छुट्टै रणनीति बनाउँदै शेखर समूह, गएनन् सर्वोच्च

काठमाडौँ, माघ ४ गते । नेपाली काँग्रेसको डा. शेखर कोइराला समूह छुट्टै रणनीति बनाउने भएको छ । आधिकारिकतासम्बन्धी विवादमा निर्वाचन आयोगको निर्णयविरुद्ध डा. कोइराला र उनीनिकट नेताहरू छुट्टै रणनीति बनाउन तीर लागेका हुन् ।

देउवा पक्षका निवर्तमान कार्यवाहक सभापति पूर्णबहादुर खड्कासहित नेताहरू विमलेन्द्र निधि, मीनबहादुर विश्वकर्मालगायत नेताहरू रिट लिएर सर्वोच्च पुगेकामा शेखर पक्ष सहभागी छैन ।

निर्वाचन आयोगको निर्णयले नेपाली काँग्रेसको दुई तिहाइ शक्ति पार्टीविहीन हुने र चुनावमा भाग लिनबाटै वञ्चित हुने अवस्था आउन सक्ने भन्दै देउवा पक्षका नेताहरूले आयोगको निर्णय खारेजको माग गर्दै रिट दिएका छन् ।

कोइराला पक्षले आफू निकटका नेताहरूलाई छुटै भेला बोलाएका छन् ।