‘संसद्, सरकार र अदालतको गतिविधिकै कारण जनतामा असन्तुष्टि बढ्यो’

काठमाडौँ, ४ भदौ  : नेकपा माओवादी केन्द्रका उपमहासचिव जनार्दन शर्माले जनतामा ठुलो असन्तुष्टि प्रकट भइरहेको बताएका छन्।

प्रतिनिधि सभाको बैठकमा बोल्दै जनतामा बढ्दो असन्तुष्टि ठुलो चुनौती बन्दै गइरहेको बताएका हुन्।

उनले भने, ‘संसद्, सरकार र संवैधानिक अदालतको गतिविधिहरूका कारण जनतामा असन्तुष्टि व्यक्त भइरहेको छ। यो हाम्रो लागि चुनौती हो। राज्य र राजनीतिको लागि पनि चुनौती हो त्यसप्रति हामी सचेत बन्नुपर्छ।’

उनले जनअपेक्षित काम नभएकै कारणले प्रश्न उठेको बताए।