अनलाइन सुरक्षा सुनिश्चित गर्न अस्ट्रेलियाको नयाँ कदम

सिड्नी, पुस २८ गते । मेटाले सोमबार अस्ट्रेलियालाई १६ वर्ष मुनिका किशोरको लागि विश्वकै पहिलो सामाजिक सञ्जाल  प्रतिबन्ध पुनर्विचार गर्न आग्रह गरेको छ । यसैबिच कम्पनीले नयाँ कानुन अनुसार पाँच लाख ४४ हजार भन्दा बढी खाता ब्लक गरेको जनाएको छ ।

गत वर्ष डिसेम्बर १० देखि अस्ट्रेलियाले मेटा, टिकटक र युट्युब  जस्ता ठुला प्लेटफर्मलाई अवयस्क प्रयोगकर्ताले खाता नखोल्ने आवश्यकता लगाएको छ । कानुन पालनामा यथोचित कदम नलिएको खण्डमा कम्पनीले (३३ लाख अमेरिकी डलर) जरिवाना भोग्नु पर्ने छ ।

मेटाका संस्थापक मार्क जुकरबर्गले, इन्स्टाग्रामबाट तीन लाख ३१ हजार फेसबुकबाट एक लाख ७३ हजार र थ्रेड्सबाट ४० हजार भन्दा बढी खाता हटाइएको छ । कम्पनीले कानुन पालनामा प्रतिबद्धता जनाएको छ । मेटाले विज्ञप्तिमा भन्यो, “त्यसो भए पनि, हामी अस्ट्रेलियन सरकारले उद्योगसँग मिलेर सुरक्षित, गोपनीयता सुरक्षित, उमेर अनुसार उपयुक्त अनुभव प्रदान गर्ने उपाय खोज्न आह्वान गर्दछौँ ।”

कम्पनीले पुनः अघिल्लो आह्वान दोहोर्याउँदै भनेको छ कि एप स्टोरले मानिसको उमेर प्रमाणित गर्न र १६ वर्ष मुनिका बालबालिकाले एप डाउनलोड गर्नु अघि अभिभावकको स्वीकृति लिनु पर्ने छ । यसले मात्र किशोरलाई प्रतिबन्ध बचाएर नयाँ एपतर्फ सर्नबाट रोक्न सक्ने छ ।

सरकारले सामाजिक सञ्जाल कम्पनीलाई अस्ट्रेलियाली युवा माथि हुने नोक्सानीको जिम्मेवार बनाउनु पर्ने भनेको छ । सरकारी विज्ञप्तिमा भनिएको छ, “मेटा जस्ता प्लेटफर्मले आफ्ना प्रयोगकर्ताको डेटा व्यावसायिक उद्देश्यका लागि सङ्कलन गर्छन् । उहाँले उक्त जानकारी प्रयोग गरेर अस्ट्रेलियाली कानुन पालन गर्न र १६ वर्ष मुनिका मानिसलाई प्लेटफर्ममा नराख्न सुनिश्चित गर्न सक्ने छन् ।”

मेटाले अभिभावक र विज्ञलाई पनि उद्धृत गर्दै भनेको छ,“प्रतिबन्धले किशोरलाई अनलाइन समुदायबाट अलग पार्न सक्छ र केहीलाई कम नियन्त्रित एप तथा इन्टरनेटका अन्धकारमय भागतर्फ धकेल्न सक्छ । प्रारम्भिक प्रभावले ‘अस्ट्रेलियाली किशोरको सुरक्षा र भलाइ बढाउने उद्देश्य पूरा भएको छैन’ भन्ने देखाएको कम्पनीको भनाइ छ ।”

उमेर निर्धारण गर्ने उद्योग मानकको अभावप्रति चिन्ता व्यक्त गर्दै, मेटाले अस्ट्रेलियाली कानुनको पालना ‘बहु–स्तरीय प्रक्रिया’ हुने बताएको छ । प्रतिबन्ध लागु भएदेखि कम्पनीले ओपनएज इनिसियेटिभ  नामक गैर–नाफामूलक समूह स्थापना गरेर सहभागी प्लेटफर्मसँग प्रयोग गर्न मिल्ने उमेर–प्रमाणीकरण उपकरण एजेकीज (एजकीज) सुरु गरेको छ ।