काठमाडौँ, ८ माघ : प्रदर्शन तयारीमा रहेको हरर फेमिली ड्रामा ‘ममी’ को ट्रेलर सार्वजनिक भएको छ । ट्रेलरमा शीर्ष कलाकार प्रियंका कार्की, सुलक्षण भारती लगायतलाई समेटिएको छ । पात्रको संवादसँगै आइलाग्ने घटना, भूतिया आकृतिकसँगको जम्काभेट र अलौकिक पात्रलाई त्रसित तुल्याउने शैलीमा १ मिनेट ५७ सेकेण्डको टिजरमा प्रस्तुत गरिएको छ ।
ट्रेलरले कथावस्तु र चरित्र चित्रणबारे प्रकाश पार्छ । कालो रङको विरालोलाई विम्वको रुपमा प्रस्तुत गरिएको ट्रेलरले दर्शकलाई कौतुहल तुल्याउँछ । फिल्ममा प्रिंयका र सुलक्षणसँगै दीया मास्के, समीप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल, गीत विष्टलगायतको अभिनय छ ।
सो-ट्वान्टी फाइभको प्रस्तुतिमा निर्माण भएको फिल्ममा समर निरौला र पूर्णिमा जोशीको पटकथा लेखन, समर निरौलाको निर्देशन छ । लोकराज जोशी र पूर्णिमा जोशी निर्माता हुन् । कार्यकारी निर्मातामा सुमन कोइराला छन् ।
छायांकन निशाल पौडेल र शरद महतोले संयुक्त रुपमा गरेका हुन् । सम्पादन सुरेन महर्जनको छ । पाश्र्वध्वनिमा रोहित शाक्य, साउन्ड डिजाईनमा श्रवल आरपी, सम्पादनमा सुरेन्द्र महर्जन, एनवी महर्जनको द्धन्द्व निर्देशन, रङ संयोजनमा दीपेश चौधरी र संगीतकारमा एसडी योगी छन् । काठमाडौंमा काफिया फिल्मस् र मोफसलमा कुवेर सिने डिष्ट्रीव्युसनले वितरण गर्दैछन् ।
