पशुपतिनाथको दर्शन गर्न पुगे सञ्जय दत्त

काठमाडौं, पुस २५ गते । बलिउड स्टार सञ्जय दत्त पशुपतिनाथ दर्शनको लागि पुगेका छन् । कडा सुरक्षाबीच सञ्जय दर्शनको लागि पशुपतिनाथको मन्दिरमा पुगेका हुन् । उनले पशुपतिमा विशेष पूजा गर्ने स्रोतले जनाएको छ ।

निजी जेट लिएर अभिनेता दत्त विहिबार अपरान्ह दुबईबाट काठमाडौं आएका हुन् । पशुपतिनाथको दर्शनपछि उनी नयाँ दिल्ली फर्किने तयारीमा छन् ।

उनी विहिबार राती लाजिम्पाटको दुसित प्रिन्सेस होटलमा बसेका थिए । हिजै खुमलटार पुगेर नेकपा संयोजक पुष्पकमल दाहाललाई भेटेका थिए । दाहालकी नातिनी स्मिताको विवाहमा आउन नपाएको र चाँडै आउने वचन दिएका उनी यसपटक भेट्न खुमलटार पुगेका हुन् ।

सञ्जयले विहिबार राती होटल बाराहीले संचालनमा ल्याएको बादशाह क्यासिनो उद्घाटन गरेका थिए । काठमाडौं आउने वित्तिकै धेरै नेपाली कलाकारले संजयसँग फोटो खिचाएका छन् ।