अमेरिकी विश्वविद्यालयमा भएको गोली हानाहानमा दुई जनाको मृत्यु, एक घाइते

वासिङ्टन डिसी,फागुन १ गते । संयुक्त राज्य अमेरिकाको दक्षिणी विश्वविद्यालयमा भएको गोली हानाहानमा दुई जनाको मृत्यु हुनुका साथै एक घाइते भएको अधिकारीहरूले बताएका छन् ।

साउथ क्यारोलिना स्टेट युनिभर्सिटीले ह्युगिन सुइट्स विद्यार्थी आवासीय कम्प्लेक्सको अपार्टमेन्टमा गोली हानाहानको रिपोर्ट प्राप्त गरेपछि क्याम्पसमा लकडाउन भएको बताएको छ । विश्वविद्यालयका अधिकारीहरूले अहिलेसम्म पीडितको पहिचान वा घाइते व्यक्तिको अवस्था पुष्टि नगरी विज्ञप्ति मार्फत  क्याम्पस लकडाउनमा रहेको बताएका छन् ।

यसै गरी स्थानीय कानून प्रवर्तन एजेन्सीहरूले विश्वविद्यालयलाई क्याम्पस र वरपर गस्ती गर्न, सहयोग गरिरहेको बताएको छ भने शुक्रबारका कक्षाहरू रद्द गरिएको विश्व विद्यालयले जनाएको छ ।

क्यानाडाको ब्रिटिस कोलम्बियाको माध्यमिक विद्यालयमा १८ वर्षीय बन्दुकधारीले आठ जनाको हत्या गरेको केही दिन पछि यो गोलीकाण्ड भएको हो ।

संयुक्त राज्य अमेरिकामा विद्यालय आक्रमणको लामो शृङ्खलाको पछिल्लो घटना हो, जहाँ यस्ता आक्रमण रोक्न गरिने प्रयासहरूले चर्को राजनीतिक गतिरोधको सामना गरिरहेका छन्।