लखनऊ, भदौ १४ : भारतीय कंग्रेसका नेता राहुल गान्धीविरुद्ध उजुरी दर्ता गर्ने व्यक्तिलाई अदालतले व्यक्तिगत सुरक्षा दिन आदेश दिएको छ ।
इलाहाबाद उच्च अदालत लगनऊ इजलासले केन्द्र सरकारका नाममा राहुल थान्धीविरुद्ध उजुरी दिने व्यक्तिलाई तत्काल केन्द्रीय सशस्त्र प्रहरी बलका एक सुरक्षा अधिकारीलाई खटाउन निर्देशन दिएको हो ।
‘लाइभ ल’का अनुसार उजुरीकर्ताले कांग्रेस सांसद प्रियंका गान्धी र लोकसभामा विपक्षी दलका नेता राहुल गान्धीविरुद्ध कैयौं विषयमा उजुरी दायर गरेकी र उनको नागरिकताका विषयमा प्रश्न गरेपछि आफूमाथि ज्यानको खतरा भएको उल्लेख गरेका छन् ।
यो आदेश न्यायाधीश संगीता चन्द्रा र बृजराज सिंहको इजलासले एस विग्नेश शिशिरको निवेदनमा सुनुवाइ गर्दै दिएको हो । शिशिरले राहुल गान्धीको नागरिकताको आधिकारिकतालाई लिएर इलाहाबाद उच्च अदालतमा जनहित निवेदन दायर गरेका छन् । उनले जुन २०२४ मा लगनऊमा सीबीआईको इस्पेशल क्राइम ब्रान्चमा राहिल गान्धीविरुद्ध उजुरी दिएका थिए । सीबीआईले उक्त उजुरीलाई पछि एन्टी करप्सन ब्रान्च नयाँ दिल्लीमा ट्रान्सफर गरेको थियो ।
उक्त उजुरीमा उनले राहुल गान्धी बेलायती नागरिक रहेको र चुनाव लड्दा गान्धीले यो तथ्य लुकाएको दाबी गरेका छन् ।
