३१ भदौ, काठमाडौं । लक्ष्मण सुनारको कथा तथा निर्देशन रहने फिल्म हो ‘कल्ली’ । रेड बर्ड प्रोडक्सन र कस्तुरी प्रोडक्सनको ब्यानरमा निर्माण हुने फिल्म ‘कल्ली’को मुख्य भुमिकामा अभिनेता सौगात मल्ल अनुबन्धित भएका छन् । निर्माण युनिटले सोमबार उनलाई मुख्य भूमिकाको लागि अनुबन्धित गरेको हो । फिल्ममा सौगातको भूमिका कस्तो हुने भन्ने निर्माण पक्षले केही खुलाएको छैन ।
किरण नेपालीको प्रस्तुतिमा तयार हुन लागेको फिल्ममा महेश दवाडीको पटकथा तथा संवाद छ । फिल्मका निर्माण प्रमुख सुरज आचार्य हुन् । फिल्म नयाँ वर्ष २०८२ को छेको पारेर चैत्रको २९ गतेबाट रिलिज हुँदैछ । फिल्मको छायाङ्कन कर्णाली प्रदेशका विभिन्न रमणीय स्थानमा गर्ने तयारी भइरहेको निर्देशक सुनारले जानकारी दिए । सबै कलाकार छनौट गरेर तिहारपछि फिल्मको छायाङ्कन सुरु गर्ने तयारी भइरहेको बताइन्छ ।
