१६ जेठ, काठमाडौं : फिल्म ‘ऊनको स्वीटर’ले तेस्रो सातासम्म देशभर १० करोड ५ लाख रुपैयाँको व्यापार गरेको छ । निर्माण टिम आर्टमान्डूले फिल्मको पछिल्लो आँकडा सार्वजनिक गरेको हो ।
चौथो सातामा प्रवेश गरेको फिल्मले अहिलेसम्म देशभर एक समयभन्दा बढी शो पाएको छ ।
नवीन चौहानको लेखन तथा निर्देशनमा बनेको फिल्ममा विपिन कार्की, मिरुना मगर, परीक्षा लिम्बु, एलेक्स पारस, विल्सन विक्रम राई, सुरज तमु, माओत्से गुरुङ, भावना खपाङ्गी मगर र सुनिल पोखरेल लगायतको अभिनय छ ।
यो अन्तरजातीय प्रेमकथामा आधारित फिल्म हो । फिल्मलाई पाँचथर र इलामका सुन्दर भूगोलहरूमा खिचिएको छ ।
