११ देशका राजदूतलाई फिर्ता बोलाउने सरकारको निर्णय

काठमाडौँ, असोज ३० : सरकारले विभिन्न ११ देशमा रहेका आवासीय राजदूतलाई फिर्ता बोलाउने निर्णय गरेको छ। बिहीबार बसेको मन्त्रिपरिषद् बैठकले चीन, अमेरिका, बेलायत, साउदी अरब, जापान, जर्मनी, इजरायल, मलेसिया, रुस, कतार र स्पेनका राजदूतलाई फिर्ता बोलाउने निर्णय गरेको हो।

सरकारका प्रवक्ता एवम् सञ्चार तथा सूचना प्रविधिमन्त्री जगदीश खरेलका अनुसार सरकारले राजदूतलाई आगामी तीन साताभित्र नेपाल फर्किन निर्देशन दिएको हो।