08/31/2025, 23:18:00
आइतबार, भदौ १५, २०८२

प्रधानमन्त्री ओलीले गरे चाउ सङ्ग्रहालयको अवलोकन


काठमाडौँ ,१५ भदौ :  प्रधानमन्त्री केपी शर्मा ओलीले चीनको थियानजिनस्थित चाउ इन्लाई र तेङ यिङ्चाओ स्मृति सङ्ग्रहालयको अवलोकन गरेका छन् ।  पाँच दिने चीन भ्रमणको दोस्रो दिन प्रधानमन्त्री ओलीले उक्त सङ्ग्रहालयको अवलोकन गरेका हुन् ।

चाउ इन्लाई चीनका पूर्व प्रधानमन्त्री हुन् । त्यसअघि ओलीले चीनको जिनान जिल्लाको सिआओझानस्थित धान उत्पादन विशेष क्षेत्रको भ्रमण गरेका छन् ।

प्रधानमन्त्री ओली नेपाली प्रतिनिधि मण्डलको नेतृत्व गर्दै शनिबार चीन प्रस्थान गरेका थिए । भ्रमणको पहिलो दिन उनले चिनियाँ राष्ट्रपति सी चिनफिङसँग भेटवार्ता गर्दै नेपाली भूमि लिपुलेक मार्गमा चीन र भारतले गरेको व्यापार सम्झौताप्रति आपत्ति जनाएका थिए ।


लेखकको बारेमा

सेतोप्रेस

लेखकबाट थप..