डिफेन्डिङ च्याम्पियन अर्जेन्टिना विश्वकप २०२६ मा छनोट

१३ चैत, काठमाडौं : डिफेन्डिङ च्याम्पियन अर्जेन्टिना बुधबार विश्वकप २०२६ मा छनोट हुने दोस्रो टिम भएको छ । अर्जेन्टिनाले ब्युनर्स आयर्समा भएको खेलमा ब्राजिललाई ४–१ ले हराएपछि विश्वकपमा छनोटको खुसीयाली मनाएको हो ।

यो खेल अगाडि नै अर्जेन्टिनाको छनोट औपचारिकता पूरा भइसकेको थियो । अर्जेन्टिना लियोनेल मेस्सी विना मैदानमा उत्रेको थियो । मेस्सी चोटग्रस्त छन् । यसअघि बुधबारको अर्को खेलमा उरुग्वे बोलिभियाको हातबाट गोलरहित बराबरीमा रोकिएपछि अर्जेन्टिना दक्षिण अमेरिकाबाट विश्वकपमा छनोट हुने पहिलो टिम बनेको थियो ।

यो जितमा अर्जेन्टिनाका लागि जुलियन अल्भारेज, एन्जो फर्नान्डेज, एलेक्स म्याक एलिस्टर र जियोभानी सिमोनीले गोल गरे । ब्राजिलबाट सम्भव भएको एक मात्र सान्त्वना गोल म्याथेस कुन्हाको नाममा रह्यो ।

बुधबारका अन्य खेलमा भेनेजेएलाले पेरुलाई १–० ले हरायो भने चिली र इक्वेडेरले गोलरहित बराबरी खेले । यस्तै कोलम्बिया र पाराग्वेले २–२ को बराबरी खेले । यो संगै १० टिम सम्मिलित दक्षिण अमेरिकन विश्वकप छनोटको १४औ राउण्डको समाप्तिमा अर्जेन्टिना ३१ अंक सहित तालिकाको शिर्ष स्थानमा रहेको छ भने चिल्ली १० अंक सहित तालिकाको पुछारमा रहेको छ | हालसम्मको तालिका :

विश्वकप २०२६ दक्षिण अमेरिका छनोट टेबल