७ चैत, काठमाडौँ : फोन पेले ग्लोबल मनी विक २०२५ को अवसरमा ‘डीजी–स्मार्ट नेपाल’ अभियान सञ्चालन गरेको छ । देशभर डिजिटल वित्तीय साक्षरताको प्रवर्द्धन गर्ने उद्देश्यका साथ फोन पेले उक्त अभियान सुरु गरेको हो ।
यस अभियानले डिजिटल वित्तीय प्रणालीप्रति नागरिकको विश्वास अभिवृद्धि गर्दै डिजिटल भुक्तानीको सही प्रयोग र जानकारी प्रदान गर्ने फोन पेले जनाएको छ । फोन पेले यस अभियानअन्तर्गत विभिन्न डिजिटल वित्तीय साक्षरता र जन चेतना प्रवर्द्धन गर्न कार्यक्रम सञ्चालन गर्नेछ ।
