काठमाडौँ, २३ फागुनः राष्ट्रिय आविष्कार केन्द्रका अध्यक्ष महावीर पुनले नेपाल विद्युत् प्राधिकरणका कार्यकारी निर्देशक कुलमान घिसिङलाई ऊर्जामन्त्रीकै निर्वाचन क्षेत्रबाट चुनाव लड्न सुझाव दिएका छन् ।
पटक-पटक स्पष्टीकरण सोध्ने र कार्यसम्पादन मूल्यांकनमा समेत शून्य नम्बर दिएको भन्दै पुनले सचिव र सहचिवको टोलीलाई समेत व्यंग्य गरेका छन् । उनले सचिव र सहसचिवलाई माइनस ९९ नम्बर दिएका छन् ।
पुनले सामाजिक सञ्जालमा लेखेका छन्, ‘कुलमान घिसिङलाई ० नम्बर दिने सचिव र सहसचिवको टोलीलाई मैले -९९ अर्थात माइनस ९९ नम्बर दिन्छु । त्यस्ता विवेकहीन कर्मचारीले देश डुबाउँछन् र नेताहरूलाई पंगु बनाउँछन् । अनि आफूलाई दु:ख दिने मन्त्रीकै क्षेत्र बाट अब आउने संघीय चुनावमा लडेर गुल्ट्याइदिने आँट गर्न कुलमान घिसिङलाई सुझाव दिन्छु ।‘
२०७९ मंसिर ४ गते भएको संघीय चुनावमा दीपक खड्का संखुवासभाबाट विजयी भएका थिए । कांग्रेसका खड्काले एमालेका राजेन्दप्रसाद्र गौतमलाई ५ हजार ४ सय ३९ मतान्तरले पराजित गरेका थिए । खड्काले ३२१५८ मत ल्याउँदा गौतमले २६७१९ मत ल्याए ।
