२७ कात्तिक, काठमाडौं । टम क्रुज स्टारर बहुप्रतीक्षित हलिउड फिल्म ‘मिसन इम्पोसिबल ८’को ट्रेलर सार्वजनिक भएको छ । सोमबार बेलुका यो फिल्मको ट्रेलर र पोस्टरसहित प्रदर्शन मिति सार्वजनिक भएको हो ।
मिसन इम्पोसिबल श्रृंखलाको यो आठौं भागको नाम ‘द फाइनल रेकोनिङ’ छ । यो फिल्म २३ मे, २०२५ मा प्रदर्शनमा आउने भएको छ । फिल्ममा क्रुजले इथन हन्ट नामक जासूसी पात्रको भूमिका निर्वाह गरेका छन्, जसले एआई सिर्जित प्रोग्राम द इन्टाइटीलाई रोकेर संसारलाई बचाउनुछ ।
