२ असोज, काठमाडौं । बुद्ध एयरले बुधबारदेखि भारतको बनारसका लागि उडान थप गरेको छ । साताको सोमबार र शुक्रबार मात्रै उडान हुने गरेकामा अब साताको तीन उडान हुने भएको हो । यसले यात्रुलाई सुविधा थप्ने कम्पनीको भनाइ छ ।
बुद्ध एयरको भगनी संस्था बुद्ध होलिडेजले वाराणसी, सारनाथ अयोध्या लगायत वरपरका विभिन्न गन्तव्यको होलिडे प्याकेज समेत चलाइरहेको छ । यात्रुलाई भारतको गया गई सोह्रश्राद्ध गर्न थप सहयोग पुग्ने विश्वास कम्पनीको छ ।
काठमाडौंबाट वाराणसी ५० मिनेटमा पुग्न सकिन्छ । काठमाडौंबाट वाराणसी सुरुवाती एकतर्फी भाडा ११ हजार ३६० रुपैयाँ तोकिएको छ । काठमाडौंबाट बिहान ७:१५ र तथा वाराणसीबाट ८:३० मा जहाज उड्छ । यो रुटमा बुद्धले एटीआर ७२ जहाजबाट उडान गरिरहेको छ ।
