१२ भदौ, काठमाडौं । अमेरिकी माइक्रोब्लगिङ वेबसाइट एक्समा समस्या देखिएको छ । मंगलबार राति झन्डै एक घण्टासम्म एक्स डाउन रहेको आउटेज ट्र्याक गर्ने वेबसाइट डाउनडिटेक्टरडटकमले जनाएको छ ।
अमेरिका, क्यानडा र बेलायतमा हजारौँ प्रयोगकर्ताको एक्समा समस्या देखिएको बताइएको छ । एपमा समस्या केले गर्दा देखिएको हो भन्ने थाहा हुन सकेको छैन ।
अन्तर्राष्ट्रिय समाचार संस्था रोयटर्सले यसबारे राखेको जिज्ञासामा एक्सले तत्कालै प्रतिक्रिया नदिएको बताइएको छ । हालैका महिनाहरूमा एक्समा बेला बेलामा आउटेजको समस्या देखिने क्रम बढेको छ ।
