नक्सालस्थित टेस्लाको शो रुममा आगलागी

२१ भदौ, काठमाडौं । नक्सालस्थित टेस्लाको शो रुममा आगलागी भएको छ । आगलागीबाट कार्यालयमा क्षति भएको छ । गाडीमा भने केही भएको छैन । शुक्रबार विहान करिव साढे ११ बजेतिर आगलागी भएको थियो । कर्मचारीहरुका अनुसार एक्कासी आवाज आएको थियो । हेर्दा स्टोर रुमबाट धुँवा आएको देखियो । तर विदाका कारण ताला लगाएका कारण निभाउन जान सम्भव भएन ।

त्यही आगो फैलिएर पहिलो र दोस्रो तलामा क्षति भएको छ । त्यहाँ भएको सम्पूर्ण कागजात, टायर लगायतका सामान जलेर नष्ट भएको छ । दमकलको सहयोगमा आगो नियन्त्रणमा लिइएको छ । क्षतिको यकिन विवरण भने आउन बाँकी छ ।