डोनाल्ड ट्रम्पविरुद्ध पुनः अभियोगको लागि अपिल दायर

१२ भदौ, काठमाडौँ । अमेरिकी न्याय विभागका विशेष काउन्सिल ज्याक स्मिथले सन् २०२० को अमेरिकी राष्ट्रपतीय निर्वाचनमा हस्तक्षेप गर्ने प्रयास गरेको आरोपमा पूर्व राष्ट्रपति डोनाल्ड ट्रम्पविरुद्ध पुनः अभियोगको लागि अपिल दायर गरेका छन्। यस पुनरावेदनमा उनीविरुद्धका यसअघिका आपराधिक मुद्दाहरू यथावत् राखिए पनि पूर्व राष्ट्रपति कार्यालयका केही कामका लागि उन्मुक्ति (छूट)सम्बन्धी सर्वोच्च अदालतको टिप्पणीपछि ट्रम्पविरुद्धको आरोपमा कमी गरिएको हो ।

नयाँ अपिलले ट्रम्प विरुद्धको चार आपराधिक मुद्दालाई यथावत् राखेको छ तर उनको कथित दुर्व्यवहारको बारेमा केही विवरणहरू प्रदान गरेको छ। ट्रम्पले २०२० को चुनावमा कुनै पनि हस्तक्षेप गरेको आरोप अस्वीकार गर्दै आफूमाथि लागेको आरोप खण्डन गरेका छन् ।

एक सामाजिक सञ्जाल पोस्टमा ट्रम्पले ‘नयाँ अपिल अन्त्य भएको दमनको पुनरुत्थान गर्न’ र ’निर्वाचनबाट अमेरिकी जनताको ध्यान भङ्ग गर्न’ भएको लेखेका छन्। अमेरिकामा आगामी नोभेम्बर ५ मा राष्ट्रपतिको निर्वाचन हुँदैछ । उनका प्रतिद्वन्द्वी राष्ट्रपति जो बाइडेन दौडबाट पछि हटेका छन् भने उपराष्ट्रपति कमला ह्यारिसलाई डेमोक्रेटिक पार्टीबाट उम्मेदवार घोषणा गरिएको छ ।