रुकुम पश्चिमकी तिल्सरा शर्माको तीज गीत सरर गाडीमा सार्वजनिक भएको छ । यसवर्षको तीज नजिंकैदै गर्दा चेली र माइतीघरको सम्बन्धलाई समेट्दै शर्माको गीत केही दिन अघि सार्वजनिक भएको हो ।
सरर गाडीमा बोलको गीतमा आमाको हातबाट दर खाएर रातो सारीमा छमछमी नाच्ने लगायतका भाव पोखिएको छ । पोहोर साल त्यस्तै भयो यो साल बेसरी नाचिन्छ भन्ने प्रसङ्गलाई गीतमा जोडिएको छ ।
भावमा सुखदुःख तर मनोरञ्जनले भरिपूर्ण गीतमा तिल्सराको शब्द तथा छवि परियारको लय संकलन रहेको छ । त्यस्तै नविन विक, माया दर्नाल र नविना केसीले आवाज दिएका छन् ।
यो गीत भावना म्युजिक सोलुसनले युट्युब मार्फत सार्वजनिक गरेको छ ।
