२१ साउन, धनगढी । नेपाली कांग्रेसले सुदूरपश्चिमका मन्त्रीहरुको नाम लगभग टुंगो लगाएको छ । अहिले १ बजे बस्ने संसदीय दलको बैठकले मन्त्रीहरुको नामलाई अन्तिम रुप दिनेछ । एक नेताका अनुसार प्रदेश महामन्त्री मेघराज खड्काका साथै बहादुर थापालाई मन्त्री बनाउने तयारी छ । दुई राज्यमन्त्रीमा गीता चौधरी र ललिता सुनुवारको सम्भावना छ ।
सत्तारुढ दलहरुबीच भएको भागबन्डामा कांग्रेसले मुख्यमन्त्री र तीन मन्त्रालय तथा एमालेले ३ मन्त्रालय पाएको थियो । तर नागरिक उन्मुक्ति पार्टी (नाउपा)लाई सरकारमा समेट्न कांग्रेसले आफूले पाएको एउटा मन्त्रालय नाउपालाई दिने भएको छ ।
एमालेले २ बजे संसदीय दलको बैठक बोलाएको छ । ३ बजे मुख्यन्त्री कमलबहादुर शाह र मन्त्रीहरुको शपथ कार्यक्रम राखिएको छ ।
