साउन २२, काठमाडौं । दक्षिण भारतीय अभिनेता जुनियर एनटिआर र अभिनेत्री जान्हवी कपूर अभिनीत फिल्म ‘देवरा’ को दोस्रो गीत सार्वजनिक भएको छ। सोमबार टि-सिरिज युट्युब च्यानलमार्फत सोमबार ‘धीरे धीरे’ बोलको गीत सार्वजनिक गरिएको हो। सार्वजनिक गीतमा जुनियर एनटिआर र जान्हवीलाई रोमान्टिक अवतारमा प्रस्तुत गरिएको छ।
यो गीत हिन्दीसँगै तेलुगु, मलयालम र कन्नड भाषामा सार्वजनिक गरिएको छ। हिन्दी भाषामा शिल्पा राव र अनिरूद्धले स्वर दिएका छन्।
फिल्ममा एनटिआर र जान्हवीसँगै श्रुति मराठे, प्रकाश राज, श्रीकान्त, सैफ अली खानलगायत कलाकारको अभिनय छ। यसै फिल्मबाट जान्हवीले दक्षिण भारतीय फिल्ममा डेब्यू गर्न लागेकी हुन्। यो फिल्म २७ सेक्टेम्बरदेखि प्रदर्शन हुनेछ।
